• This website is available in English

Newyddion

  • Mae gwefan i helpu pobl i gael gafael ar wasanaethau cymorth lleol yng Nghymru
    a dod o hyd i wybodaeth a chyngor mae arnyn nhw ei angen i wella eu llesiant ar gael nawr.

    Mae gwefan Dewis Cymru, a gafodd ei lansio yng Nghynhadledd Genedlaethol Gwasanaethau Cymdeithasol yn ddatblygiad pwysig cwbl newydd i Gymru – un pwynt mynediad clir a dibynadwy y mae’r cyhoedd yn gallu ei ddefnyddio, yn ogystal â gweithwyr proffesiynol gwasanaethau gofal ledled Cymru, i helpu i gefnogi pobl i gyflawni eu nodau llesiant.

    Mae’r wefan yn rhan o ddarpariaeth barhaus Deddf Gwasanaethau Cymdeithasol a Llesiant (Cymru), sy’n amlygu sut mae darpariaeth gwybodaeth o’r radd flaenaf yn chwarae rhan ganolog wrth helpu pobl i arro syn annibynnol, rheoli eu llesiant a siapio’r gwasanaethau gofal maen nhw’n eu derbyn.

    Ar hyn o bryd mae gan Dewis Cymru wybodaeth leol am Ogledd Cymru, Caerdydd, Bro Morgannwg, Rhondda Cynon Taf a Merthyr Tudful. Bydd gwybodaeth leol am ardaloedd eraill yn cael ei hychwanegu cyn bo hir.

    Ewch i Dewis Cymru yn www.dewis.cymru.

    Dilynwch ni ar Twitter @dewiscymru a’n hoffi ni ar Facebook.com/dewiscymru neu cysylltwch â ni drwy e-bost yn help@dewis.wales.


    Postio gan
    y Golygydd / the Editor
  • IBC Logo

    Ydych chi’n gwybod faint o bobl sy’n byw yn eich awdurdod chi?

    Cyhoeddedd y Swyddfa Ystadegau Gwladol amcangyfrifon poblogaeth canol y flwyddyn 2015 ar 23 Mehefin 2016.

    Mae’r amcangyfrifon ar gael ar lefel blwyddyn oedran unigol ac awdurdod lleol. Rydym ni wedi eu cynnwys yn InfoBaseCymru fel bandiau oedran eang i’w gwneud yn haws eu defnyddio.

    Cysylltwch â ni os oes arnoch chi angen data am fandiau oedran gwahanol.

    Am fwy wybodaeth am ddata poblogaeth cysylltwch â Jenny Murphy.


    Postio gan
    y Golygydd / the Editor

    Categorïau: Diweddariadau data
  • Free Swimming1 Logo

    Gweithiwn ar y cyd â Chwaraeon Cymru i gasglu, dadansoddi ac adrodd am ddata Nofio am Ddim oddi wrth awdurdodau lleol yng Nghymru.

    Nod y gwaith hwn yw gwerthuso effaith y Fenter Nofio am Ddim yng Nghymru drwy ddefnyddio’r data yn effeithiol.

    Dyma rai o’r prif bwyntiau o ddata 2015-16:

    • Bu lleihad o 25% yn nifer y nofiadau cyhoeddus am ddim i bobl ifanc, o’u cymharu â 2014-15.
    • Mae’r grŵp oedran 60 ac yn hŷn wedi gweld lleihad o 4% mewn nofio cyhoeddus am ddim hefyd, o’u cymharu â 2014-15.

    Dysgwch fwy a gweld sut mae cyfranogiad yn eich awdurdod chi drwy fynd i’n hoffer Nofio am Ddim.

    Am fwy o wybodaeth am ddata Nofio am Ddim cysylltwch ag Adrian Smith.


    Postio gan
    y Golygydd / the Editor
  • Free Swimming1 Logo

    Sut mae’r cyfranogiad mewn Nofio am Ddim yn eich awdurdod chi?

    At ei gilydd, mae’r data Nofio Am Ddim diweddaraf yn dangos lleihad o 3% yn nifer y nofiadau cyhoeddus am ddim gan bobl iau a chan bobl hŷn fel ei gilydd o’u cymharu â’r un cyfnod y llynedd.

    Eisiau gweld mwy? Cymerwch gip ar ein pecyn Nofio Am Ddim rhyngweithiol i Gymru.

    Am fwy o wybodaeth am ddata Nofio am Ddim cysylltwch ag Adrian Smith.


    Postio gan
    y Golygydd / the Editor
  • Cawsom ein comisiynu gan Lywodraeth Cymru i adolygu mecanwaith dyrannu presennol Grant Amddifadedd Disgyblion y Blynyddoedd Cynnar a gwneud argymhellion a allai’r dull presennol gael ei wella’n ymarferol.

    Wrth ymgymryd â’r adolygiad ystyriom ni:

    • addasrwydd y dull presennol o ddyrannu’r grant;
    • archwilio’r dull a fabwysiadwyd mewn gwledydd eraill am ariannu’r math hwn o gymorth ac ystyried eu haddasrwydd yng nghyd-destun Cymru; ac
    • ystyried rhai dulliau amgen posibl yn fanwl, gan gynnwys darparu darlun o sut allai’r dyraniad edrych; a
    • gofyn am farn awdurdodau lleol a sefydliadau dysgu.

    Nid yw ein hadolygiad wedi nodi unrhyw broblemau sylfaenol gyda’r dull dyrannu presennol y Grant. Serch hynny, rydym wedi nodi nifer fach o welliannau posibl i’r dull presennol.

    Cliciwch y ddelwedd isod i weld ein hadroddiad gwerthuso.

    EYPDG image

    Os hoffech chi gael rhagor o wybodaeth, neu os hoffech drafod yr adroddiad, cysylltwch ag Andrew Stephens neu Ana Harries neu ffoniwch 029 2090 9500.


    Postio gan
    y Golygydd / the Editor

    Categorïau: Cyhoeddiad
  • Data Unit Logo

    Mae Deddf Llesiant Cenedlaethau’r Dyfodol (Cymru) 2015 yn gosod gofyniad ar Fwrdd Gwasanaethau Lleol (PSB) i baratoi a chyhoeddi asesiad o gyflwr llesiant yn ei ardal. Caswom gyllid gan Lywodraeth Cymru i ddatblygu ‘set ddata cyffredin’ er mwyn gynorthwyo’r gwaith.

    Rydym wedi datblygu’r set ddata gan ddefnyddio’r pedair thema: llesiant cymdeithasol; economaidd; diwylliannol; ac amgylcheddol gan geisio adeiladu ar brofiad asesiadau blaenorol a cyhoeddiad diweddar y set o ddangosyddion cenedlaethol.

    Mae ymgysylltu â chydweithwyr partneriaeth, a chael eu mewnbwn, wedi bod yn rhan allweddol o ddatblygu’r set ddata ac rydym wedi defnyddio rhwydweithiau lleol a rhanbarthol yn ogystal â grwpiau rhwydwaith cenedlaethol sefydledig i ategu hyn.

    Gall y set ddata hon fod yn fan cychwyn i PSBs ledled Cymru ddechrau asesu llesiant yn yr ardal a chynhyrchu’r asesiad. Bydd yn rhan yn unig o’r sylfaen dystiolaeth y bydd PSBs yn dymuno ei defnyddio i ategu eu hasesiadau, sy’n debygol o gynnwys tystiolaeth a gwybodaeth leol hefyd gan gynnwys barn dinasyddion. Nod y set ddata gyffredin hon yw cynyddu cysondeb a lleihau dyblygu gwaith wrth ddatblygu’r asesiadau ledled Cymru. Bwriedir iddi ganiatáu am hoelio mwy o sylw ac adnoddau ar ddadansoddi’r data a chysondeb rhwng partneriaid sy’n cefnogi mwy nag un PSB.

    Mae’r set ddata ar gael nawr yma.

    Os hoffech chi gael rhagor o wybodaeth, neu os hoffech drafod sut gall yr Uned Ddata gynnig cefnogaeth bellach, cysylltwch â Chris Perkins neu ffoniwch 029 2090 9500.


    Postio gan
    y Golygydd / the Editor
  • IBC Logo

    Rydym wedi diweddaru’n cynnig ar gyfer data rhaglen mesur plant yn InfoBaseCymru. Erbyn hyn mae gennym ddata am nifer y bechgyn, merched a phlant sy’n ordrwm neu’n ordew. Mae hyn ar gael ar lefel yr awdurdod lleol. Dengys y data fod 26.2% o blant yn Nghymru yn ordrwm neu’n ordew ym MA 2014/15, o’u cymharu ag 26.5% yn 2013/14.

    Os oes gennych chi unrhyw sylwadau ar y data hwn, cysylltwch â ni yn ymholiadau@unedddatacymru.gov.uk neu 029 2090 9500.


    Postio gan
    y Golygydd / the Editor

    Categorïau: Diweddariadau data
  • IBC Logo

    Rydym wedi diweddaru’n cynigion ar gyfer data Rhaglenni dysgu seiliedig ar waith (Prentisiaethau) yn InfoBaseCymru. Erbyn hyn cadwn ddata ar niferoedd y rhaglenni dysgu seiliedig ar waith fesul sector diwydiant. Mae hyn ar gael ar lefel awdurdodau lleol.

    Os oes gennych chi unrhyw sylwadau ar y data hwn, cysylltwch â ni yn ymholiadau@unedddatacymru.gov.uk neu 029 2090 9500.


    Postio gan
    y Golygydd / the Editor

    Categorïau: Diweddariadau data
  • Roeddem ni wrth ein bodd i fwy na 100 i gynadleddwyr ddod i’r digwyddiad, gan gynrychioli dros 40 o sefydliadau.

    Mae’r adborth o’r digwyddiad wedi bod yn bositif iawn. Yn ôl dadansoddiad o’r ffurflenni gwerthuso:

    Roedd 100% o’r ymatebwyr yn meddwl bod y cynnwys yn berthnasol

    Roedd 100% o’r ymatebwyr yn meddwl bod y cynnwys yn ddefnyddiol

    Roedd canmoliaeth fawr am ein trefniadau cyn y digwyddiad hefyd, gyda 98% o’r ymatebwyr yn cytuno iddynt dderbyn yr holl fanylion angenrheidiol i’w galluogi i fynychu’r gynhadledd.

    O ran trefniadaeth gyffredinol y digwyddiad, dwedodd 91% o’r ymatebwyr ei bod yn dda iawn.

    Roedd sylwadau’n cynnwys:

    ‘Un o’r cynadleddau gorau, mwyaf defnyddiol dwi wedi eu mynychu ers sbel.’

    ‘Roedd cynnwys y digwyddiad – y siaradwyr/ y cyflwyniadau a’r gweithdai a fynychais o ansawdd uchel, yn berthnasol i’r pwnc ac i’m rôl a chyfrifoldebau i.’

    ‘Roedd amseriad y sesiwn yn berffaith am gyflwyniad y deddfau newydd ac roedd y ffocws ar y materion ymarferol yn werthfawr iawn ac yn union y math o beth dylai’r digwyddiadau hyn ei wneud.’

    Mae fideos o’r prif gyflwyniadau wedi cael eu postio ar-lein hefyd. Mae’r rhain ar gael ar sianel YouTube Uned Ddata Cymru.


    Postio gan
    y Golygydd / the Editor

    Categorïau: NIE
  • Homepage Welsh image

    Dylai’r dyluniad a’r diwyg newydd ei gwneud yn haws i chi welywio a dod o hyd i’r hyn rydych ei eisiau’n gyflym. Ymhlith y nodweddion newydd sy’n haeddu sylw mae:

    • cynnwys wedi ei ystwytho
    • mynediad uniongyrchol a chyflym i ddata
    • portffolio newydd sy’n arddangos ein gwaith.

    Gobeithiwn eich bod chi’n hoffi’n gwefan newydd. Cysylltwch â ni a rhowch wybod beth yw’ch barn chi!


    Postio gan
    y Golygydd / the Editor